ភ្នំពេញ៖ ក្រុមគ្រួសារបានជូនដំណឹងពីមរណភាពរបស់លោក ហ៊ុន ណេង ដែលបានទទួលមរណភាពក្នុងជន្មាយុ ៧២ឆ្នាំដោយគាំងបេះដូង កាលពីល្ងាចម៉ោងប្រមាណ ៦និង២៥នាទីរសៀលថ្ងៃទី៥ ខែឧសភានេះ។
ក្នុងដំណឹងមរណភាពឱ្យដឹងថា បច្ចុប្បន្នសពរបស់លោក ហ៊ុន ណេង ត្រូវបានតម្កល់នៅគេហដ្ឋាន ភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម។ សពរបស់លោកនឹងត្រូវដង្ហែទៅបញ្ចុះនៅវត្តសុវណ្ណគិរីរតនៈភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម នៅថ្ងៃទី៩ ខែឧសភា ឆ្នាំ២០២២ខាងមុខ។
គួរឱ្យដឹងផងដែរថា លោក ហ៊ុន ណេង គឺជាបងប្រុសបង្កើតរបស់សម្ដេចតេជោ ហ៊ុន សែន។ បច្ចុប្បន្នលោក គឺជាសមាជិកអចិន្ត្រៃយ៍រដ្ឋសភា និងជាអ្នកតំណាងរាស្ត្រមណ្ឌលខេត្តកំពង់ចាម៕
